10.06.2012 - Fjallamennska

Miðfellstindur

Fórum að venju í vorferð á Miðfellstind með flottan hóp frá Ferðafélagi Íslands. Gengið var frá bílastæðinu vestast í Skaftafelli eftir stuttan svefn á tjaldsvæðinu inn að Bæjarstaðaskógi þar sem strikið var tekið beint að vestra-Meingili þar sem gengið er upp í Hnútudal til að komast uppá Vatnajökulssléttu.

Svo skemmtilega vildi til að einhverjir höfðu verið þarna deginum áður í sólbráð svo við eltum þeirra för og þurftum því ekki að höggva spor þar sem við vorum í hörðu færi.
Sólin náði ekki að bræða snjóinn nægilega vel til að mýkja hann mikið fyrren aðeins á leiðinni niður en skýjabakki yfir Öræfajökli sá til þess að sólin skein ekki alltaf beint á okkur.

Í skarðinu við Þumal var einnig gott að hafa sporin en við lögðum einnig línu yfir með festu sitthvoru megin sem smá backup og fór einn og einn yfir í einu.
Á toppnum komu svo ský yfir okkur en fóru svo aftur eftir sutta stund og var þá gott útsýni til vesturs en Öræfajökull var þakinn illviðraskýi og heyrum við líka sögur frá þeim sem reynu við hann.

Margir fóru á Þverártindsegg sama dag og við fréttum að þar hefði verið gott veður eins og hjá okkur en þaðan sást líka bara í illveðraskýið á Öræfajökli.