27.09.2007 - Fjallamennska

Sumarið 2007

Það var ýmislegt gert í sumar þó svo að það hafi ekki endilega komið eiginleg frétt um það. Ég fór á ýmsa staði á landinu aðallega með Þórhalli sem var mjög duglegur að taka mig með í ferðir í sumar. Þar má t.d. nefna Dyrfjöll, Snæfell, Trölladyngju, Kollóttudyngju, Prestahnjúk, Geitlandsjökul ofl. Einnig tókst mér með naumindum að draga strákana með á Tindfjöll, en Addi og Lalli komu með mér þangað í frekar skemmtilegu veðri. Ótrúlegt hvað jökullinn þarna er algjörlega búinn... bara smá skafl eftir.

Ég hef auðvitað póstað stærstu ferðunum sem ég fór í sumar en það var Glerárdalshringurinn, Kalymnos og Þverártindsegg. Ég var nokkuð sáttur með myndirnar úr þeim ferðum, þið getið skoðað þetta alltsaman ef þið hafið áhuga.

Myndir

Í Tindfjöllum 12. ágúst. Eyjafjallajökull séður frá Tindfjöllum. Hér er smá jökulsprunga við Ými. Í brekkum Ýmis. Á leið á Ýmu, í baksýn er Ýmir. Þarna er smá hryggur á milli þar sem maður lækkar sig voða lítið. Hér er svo Þórhallur að koma uppá Prestahnjúk á leið á Geitlandsjökul í ágúst, við fórum hálfgerða næturferð þangað upp og var mjög flott! Tók þessa mynd af toppnum á Prestahnjúk, fannst mystrið svo flott, einnig að fá effectinn í sólina með því að nota lítið ljósop. Þetta er svo á Trölladyngju norðan Vatnajökuls. Mjög flott hraun þarna með hinum ýmsu formum. Þórhallur gengur um hraunið og skoðar undrin grannt. Þetta er á leið í Dyrfjöll núna í byrjun september. Hér er horft inn í gil sem er inni í kverkinni þarna, hér eru nokkrar flottar íslínur í myndun. Hér sjást svo dyrnar sjálfar. Hér erum við að nálgast toppinn. Þórhallur prílar uppá sjálfan toppinn á Dyrfjöllum, en það er smá hnappur sem stendur uppúr. Síðustu handtökin á toppinn! Sigrinum fagnað. Svo var bara að drífa sig niður þar sem það var farið að rökkva dáldið, enda vorum við heldur seinir í því.. Þessi mynd er tekin af Þórhalli á toppi Snæfells, norðan Vantajökuls, daginn eftir Dyrfjöll. Og svo Olli á toppi Snæfells. Það var hálf kalt þarna hjá okkur eins og sést. Svo var haldið niður af Snæfelli... Það var greinilegt að þeir væru ekki að fara á eitt af flottustu fjöllum landsins heldur á tind 126. (fyrir þá sem skilja) Svo var tekin smá nestispása í gili neðar í fjallinu. Þessi er tekin af Sólheimajökli í sumar. Úr sömu ferð. Af Trölladyngju á Reykjanesi. Hveravellir við Kjalveg.

Þín skoðun

Arnar fannst ekki ( Vefsíða ) skrifaði þann 28.09.2007 Klukkan 14:07

jaa.. ég mundi nú ekki segja að þú hafir dregið mig með naumindum á Tindfjöll þar sem ég stakk uppá þeirri ferð ;)

Gummi St. fannst ekki ( Vefsíða ) skrifaði þann 28.09.2007 Klukkan 14:17

ef ég man rétt að þá vildir þú frekar fara í klettaferð

Gummi St. fannst ekki ( Vefsíða ) skrifaði þann 11.10.2007 Klukkan 08:34

kominn tími á aðra ferð !

skrifa komment
Nafn:
e-mail:
Vefsíða: http://
Texti:
Summan af
9 og 3::
Kort Hvar á landinu
Aðrar greinar